Ukraina på Litteraturhuset: Ukrainsk samtidslitteratur med Sofija Andrukhovytsj
«Ukraina på Litteraturhuset» er ein serie denne hausten som gir eit særskilt innblikk i ukrainsk historie og litteratur samt situasjonen i dagens krigsramma Ukraina.
I samband med serien vår denne hausten «Ukraina på Litteraturhuset» har vi invitert den ukrainske forfattaren Sofija Andrukhovytsj (f. 1982). Andrukhovytsj bur i Kyiv og har gitt ut ei rekke bøker. I 2020 gav ho ut storverket Amadoka, ein roman som kombinerer familiehistorie med Ukrainas historie på 1900-talet og fram til byrjinga av Russlands krig i Aust-Ukraina i 2014. Romanen har på norsk kome ut i to delar, Amadoka I. Romana og Uljana i 2025 og i 2026 kom oppfølgjaren, Amadoka II. Sofija.
Gjennom gripande menneskelagnader fortel dei to romanane Ukrainas historie, om kamp, lidingar og tap. Slik kombinerer dei familiehistorie med Ukrainas historie på 1900-talet og fram til byrjinga av Russlands krig i Aust-Ukraina i 2014. Etter krigsutbrotet i 2022 har Andrukhovytsj jamt blitt intervjua i samband med situasjonen i heimlandet. Møt ho i samtale med Ingunn Lunde, professor ved Institutt for framandspråk ved Universitetet i Bergen.
Samtalen vil vere på engelsk / The conversation will be in english
Ukraina-serien på Litteraturhuset i Bergen er støtta av Direktoratet for høyere utdanning og kompetanse (HK-dir) sitt Program for Ukraina-kompetanse (UA-KOMP).
150,–/120,–/60,–
Foto: Valentyn Kuzan
Arrangør:
Alder:
